Bu küçənin bir hissəsinə qaz xətti çəkilmir - sakinlər qaz balonlarından istifadə edirlər - VİDEO

Paytaxtın Sabunçu rayonu, Balaxanı qəsəbəsi, Sabit Rəhman küçəsində yerləşən bir neçə mənzilə qaz xətti çəkilməyib. Buna görə də sakinlər mavi yanacağa olan ehtiyaclarını qaz balonlarından istifadə edərək qarşılayırlar.

Avtosfer.az-ın məlumatına görə, sakinlər uzun müddətdir ki, çətin vəziyyətlə üz-üzə qalıblar. Mavi yanacağın olmaması sakinləri əlavə xərcə salır.  Sakinlər deyirlər ki, yaxınlıqdakı evlərə qaz xətti çəkilsə də, sözügedən ərazidə 20-dən çox mənzil mavi yanacaqla təmin olunmur. Problemlə bağlı "Azəriqaz"ın sözçüsü Eldəniz Vəliyev "Xəzər Xəbər"ə bildirdi ki, həmin ərazinin qazlaşdırılması üçün sənəndləşmə işlərinə başlansa da, proses yarımçıq dayandırılıb.