Gənclər və İdman Nazirliyindən yeni loqo ilə bağlı AÇIQLAMA

Bu gün rebrendinqini təqdim edən Gənclər və İdman Nazirliyi yeni loqo ilə bağlı tənqidlərə cavab verib. 

Avtosfer.az xəbər verir ki, Nazirliyin Mətbuat xidmətinin rəhbəri Qabil Mehdiyev bildirib ki, hər bir ölkənin Alfa-3 sertifikatlı qəbul edilmiş qısa adı var:  "Beynəlxalq yarışlarda Azərbaycanın qısadılmış adı AZE olaraq göstərilir. İdmançılarımızın geyimləri üzərində AZE yazılır, yarışlar zamanı Azərbaycan adı AZE kimi ifadə olunur, tanınır. TV ekranlarında, yarış meydanlarında, tablolarda da belə yazılır.  Fon olaraq seçilmiş yaşıl rəng isə gənc nəslə, idmançılara xas aktivlik və enerji rəmzi olaraq ifadə olunub. Loqo müasir dövrün dizayn tendensiyalarına uyğun və minimalist yanaşma ilə hazırlanıb".