İşğaldan azad edilən ərazilərdə ən çox mina harada basdırılıb? - AÇIQLAMA

“İşğaldan azad edilən ərazilərdə ən çox mina ilə çirklənən ərazi deyə bir bölgü həyata keçirilməyib. Sadəcə olaraq elə sahələr var ki, orada minalar daha sıx düzülüb”.

Bu sözləri Avtosfer.az-a açıqlamasında Azərbaycan Respublikasının Minatəmizləmə Agentliyinin (ANAMA) İdarə Heyətinin sədrinin müavini Samir Poladov deyib.

S.Poladovun sözlərinə görə, sözügedən sahələrdən kənarda da minalanmış ərazilərə rast gəlinib:

“Hazırda o ərazilərin təhlili və tədqiqat işləri aparılır. Ümumi bir fikrin formalaşması və uzunmüddətli proseslərin həyata keçirilməsi üçün bu, önəmli məsələdir. Bu təhlillər tərəfimizdən davam etdirilir”.