Nazirliyin satışa çıxardığı avtomobil 2,5 dəfə baha qiymətə satıldı

İqtisadiyyat Nazirliyi yanında Əmlak Məsələləri Dövlət Xidməti tərəfindən dekabrın 2-də keçirilən hərracda ümumilikdə 40 nəqliyyat vasitəsi yeni sahibini tapıb.

Avtosfer.az xəbər verir ki, hərracda Maliyyə Nazirliyinin 39, Müdafiə Nazirliyinin isə bir avtomobili satılıb.

Start qiyməti 6 500 manat, buraxılış ili 1998-ci il olan "Mercedes-Benz S320" avtomobilinin son qiyməti 15 min 800 manat olub.

Hərracda satılan nəqliyyat vasitələrinin siyahısı ilə Dövlət Xidmətinin rəsmi saytı vasitəsilə tanış olmaq olar.

Dövlət əmlakının özəlləşdirilməsi üzrə növbəti hərraclar 9, 16, 18 və 23 dekabr tarixlərində keçiriləcək.

Hərraclarda iştirak etmək istəyənlər "www.emlak.gov.az" və "www.auksion.gov.az" internet saytlarından seçim edə bilərlər.