Ötən il 17 mindən çox hüquqpozma faktı aşkarlanıb

Kütləvi informasiya vasitələrinin nümayəndələri üçün nəzərdə tutulan “Gömrük sistemində islahatlar: Nəticələr, perspektivlər” mövzusunda təliminin ikinci günü davam edir.

Avtosfer.az xəbər verir ki, Dövlət Gömrük Komitəsi (DGK) Əməliyyat-istintaq Baş İdarəsi rəisinin 1-ci müavini Güloğlan Muradlının “Qaçaqmalçılıqla mübarizədə əldə olunan nailiyyətlər” mövzusunda təqdimatla çıxış edib.

Onun sözlərinə görə, 2021-ci il ərzində Azərbaycan Respublikasının gömrük orqanları tərəfindən əməliyyat-axtarış və hüquq-mühafizə fəaliyyətinin gücləndirilməsi istiqamətində həyata keçirilmiş kompleks tədbirlər nəticəsində 17 144 hüquqpozma faktı aşkar edilib:

“Biz son beş ilə nəzər salsaq, pandemiya şəraitinə baxmayaraq hüquqpozmaların sayında artım müşahidə edərik. Bundan əlavə, 2021-ci ildə bu hüquqpozmaların içərisində cinayətlərin azalmasının şahidi oluruq. Əgər əvvəlki illərdə bu rəqəm 8%-i təşkil edirdisə, 2021-ci ildə cəmi 2,4 faiz təşkil edib”.