Qadınları fahişəliyə cəlb edən şəxs HƏBS EDİLDİ

DİN-in İnsan Alverinə Qarşı Mübarizə Baş İdarəsi əməkdaşlarının keçirdikləri əməliyyat tədbirləri nəticəsində Azərbaycan Respublikası vətəndaşı olan qadınları Türkiyə Respublikasında yüksək məvacibli işə düzəldəcəyi adı ilə aldadaraq Antalya şəhərinə aparıb orada cinsi istismara məruz qoymaqda şübhəli bilinən Sumqayıt şəhərində yaşayan Ülviyyə Həsənova tutulub.  

DİN-dən Avtosfer.az-a verilən məlumata görə, faktla bağlı başlanılaraq cinayət işi üzrə istintaq yekunlaşaraq materiallar baxılması üçün Bakı Ağır Cinayətlər Məhkəməsinə göndərilib.  

Məhkəmənin hökmünə əsasən Ü.Həsənova Cinayət Məcəlləsinin  144-1.2.1, 144-1.2.2 və 144-1.2.4-1 və 144-3.4-cü maddələri ilə (İnsan alveri) təqsirli bilinərək 8 il 3 ay müddətinə azadlıqdan məhrum edilib.