Qanunsuz hərbi formadan istifadə edənlərin nəzərinə - VİDEO

Bəzi vətəndaşlar  hərbi geyim formasını daşıma hüququ olmadığı halda bu geyimdən istifadə edirlər. Belə hallara tez-tez rast gəlinir. Bəzən  daşıma hüququ bir yana , geyim qaydasından düzgün istifadə etməyənlər olur. Bəs onlar barəsində hansı tədbir görülür? Bu barədə hərbi polis danışıb. 

Hərbi geyimi qanunsuz daşıyanlara qarşı tədbirlər görülür.

Bununla bağlı Hərbi polis bölmələri reydlərə başlayıb.

Bəzi vətəndaşlar hərbi geyim formasını daşıma hüququna malik olmadığı halda bu geyimdən istifadə edirlər...Bəs hərbi geyimdən kimlər istifadə edə bilər ? Müdafiə Nazirliyinin  Hərbi Polis İdarəsinin rəisinin Hüquq İşləri Üzrə köməkçisi Şirin İsmayılov deyir ki, "Hərbi xidmətkeçmə haqqında" əsasnaməyə görə, yalnız hərbi xidmətdə 20 il və artıq qüsursuz xidmət etmiş və Silahlı Qüvvələr qarşısında xüsusi xidmətləri olan şəxslərə ehtiyata və ya istefaya buraxılarkən buraxılmanı rəsmiləşdirən rəislərin əmri ilə hərbi geyim formasını daşımaq hüququ verilə bilər.

Şirin İsmayılov onu da bildirdi ki, vətəndaşlar tərəfindən hərbi geyim formasını daşıma hüququnun pozulması müvafiq qanunvericiliyə ziddir.Belə halların qarşısını almaq üçün hərbi polis tərəfindən müvafiq işlər görülür..

Qeyd edək ki, İnzibati Xətalar Məcəlləsinin 534-cü maddəsinə əsasən hərbi və xüsusi geyim formalarını qanunsuz olaraq daşımağa görə, şəxsdən xüsusi geyim forması müsadirə edilməklə o, üç yüz manatdan beş yüz manatadək məbləğdə cərimə edilir.