Qırx hava limanında nəqliyyatın hərəkəti məhdudlaşdırılacaq

ABŞ-də bağlanma səbəbindən həyata keçirilən uçuşların sayının 10% azalması 40 əsas hava limanına təsir göstərəcək.
Avtosfer.az xəbər verir ki, bunu ABŞ-nin nəqliyyat katibi Şon Daffi bildirib. "Yalnız bir gündə bu, 1800 uçuşda 268 min sərnişinə təsir edə bilər. Konkret olaraq, ölkənin ən işlək hava limanı olan Çikaqonun O'Hare hava limanında trafikin 10% azalması cəmi 14500 yerlik 120 reysin ləğvinə səbəb olacaq", - deyə o qeyd edib.

Bildirilib ki, ABŞ hökümətinin bağlanması səbəbindən ABŞ-də hava nəqliyyatı dispetçerləri oktyabrın 1-dən maaşlarını almırlar. Amerikanın dövlət qurumları Konqres onların maliyyələşməsinin uzadılmasına dair qanun layihəsini təsdiq edə bilmədiyi üçün əməliyyatları və maaşları dayandırıb.

Qeyd edilib ki, təxminən 13 min hava hərəkəti dispetçerləri və 50 min Nəqliyyat Təhlükəsizliyi Administrasiyasının əməkdaşı maaş almadan işləyir.