Rusiyada helikopter qəzasında ölən azərbaycanlı jurnalistin nəşini ölkəyə gətirmək olmur

Rusiyanın Sankt-Peterburq şəhərində helikopter qəzasında həlak olmuş 40 yaşlı azərbaycanlı jurnalist Müşfiq Mətləb oğlu İbrahimovun nəşini Rusiya ilə Azərbaycanda hava uçuşu dayandırıldığından ölkəyə gətirmək mümkün olmayıb.

Bizim.Media-nın ailəsindən əldə etdiyi məlumata görə, mərhumun meyitinin sabah gətirilməsi ehtimal olunur.

Qeyd edək ki, üç uşaq atası olan Müşfiq İbrahimov uzun müddət idi ki, Rusiyada yaşayırdı.

O martın 8-də dostu ilə helikopterlə təlim uçuşu zamanı qəzaya uğrayıb və hər ikisi ölüb. Müşfiq İbrahimov Quba rayonunun Amsar kəndindəndir.