Salyan sakini evakuatorun altında qalaraq öldü

Salyanda hərəkətdə olan evakuatorun altında qalaraq ölənin şəxsiyyəti məlum olub. Avtosfer.az-ın məlumatına görə, bu, rayonun Bəşirbəyli kənd sakini, 1993-cü il təvəllüdlü Abbasbəyli Pünhan Aslan oğludur. Şirvan rayon sakini, 2003-cü il təvəllüdlü Bilal Bağırov idarəetdiyi evakutorla P.Abbasbəylinin üstündən keçib. Evakuatorun altında qalaraq ağır bədən xəsarətləri alan piyada hadisə yerində ölüb.

Qeyd edək ki, hadisə rayonun Qaraçala kəndində qeydə alınıb. Onun meyiti müayinə olunması üçün Səhiyyə Nazirliyinin Məhkəmə Tibbi Ekspertizası və Pataloji Anatomiya Birliyinin Neftçala rayon şöbəsinə təhvil verilib.

"Report"