Sərnişinlər tibbi maskadan imtina etdi: Pilot təyyarəni geri döndərdi

Mayami-London reysini həyata keçirən “American Airlines” şirkətinə məxsus təyyarə bir saatlıq uçuşdan sonra Atlantik okeanı üzərindən Mayami hava limanına geri dönüb.

Avtosfer.az xəbər verir ki, pilot iki sərnişinin stüardessaların tibbi maska taxmaq tələblərinə məhəl qoymaması səbəbindən belə qərar verib.

Sərnişinlərin sərxoş olduğu bildirilir. Onların əvvəldən özlərini nalayiq apardıqları vurğulanıb. 

Mayamiyə qayıtdıqdan sonra heç kim həbs olunmasa da, hadisəni törədənlərdən biri şirkətin “qara siyahısı”na daxil edilib. 

Reys təxirə salınıb və sərnişinlər Mayamidə gecələməli olublar.

Lent.az