Sutka ərzində Türkiyədən Rusiyaya 6,7 min sərnişin daşınıb

Rusiya hava yolları şirkətləri 20 aprel tarixində 30 uçuş həyata keçirərək, Türkiyədən 6700 sərnişini ölkəyə çatdırıblar.

APA-nın “RİA Novosti”yə istinadən verdiyi məlumata görə, bu barədə Federal Hava Nəqliyyatı Agentliyi məlumat yayıb.

“20 aprel tarixində Rusiya aviaşirkətləri Türkiyədən Rusiyaya 25, Türkiyə aviaşirkətləri isə 5 reys həyata keçirib. Cəmi 6700 sərnişin ölkəyə daşınıb”, - məlumatda belə deyilir.Koronavirus infeksiyasının yayılmasına qarşı operativ qərargah bundan əvvəl Rusiya ilə Türkiyə ilə Tanzaniya arasında 15 aprel - 1 iyun tarixləri arasında hava nəqliyyatının məhdudlaşdırılmasına dair qərar verib.