Terrorçuluqda təqsirləndirilən ermənilərin məhkəmə istintaqı başa çatdı

Sabunçu rayon Məhkəməsinin inzibati binasında terrorçuluqda təqsirləndirilən daha iki Ermənistan vətəndaşı - Sarqsyan İşxan Aşotinin və Rafaelyan Vladimir Otarinin məhkəməsi davam edib.

Avtosfer.az-ın məlumatına görə, Gəncə Ağır Cinayətlər Məhkəməsinin hakimi Elmin Rüstəmovun sədrliyi ilə keçirilən prosesdə sənədlərin tədqiqi mərhələsi keçirilib.

Sənədlərdə qeyd edilib ki, bu iş üzrə təqsirləndirilən şəxslərlə birlikdə tutulan digər 4 nəfər ötən il Ağdam rayonunda olan minaların xəritələrinin Ermənsitan tərəfindən nverilməsi müqabilində qarşı tərəfə təhvil verilib.

Həmçinin, sənədlərdə qeyd edilib ki, İşxan Sarqsyanın telefonuna baxış zamanı 2019-cu il çəkilmiş faylda Azərbaycanın Tovuz rayonunun Ağbulaq kəndinin koordinantları müəyyən edilib.

Həmin kənddən 40 km aralıda Əyyublu kəndinin ərazisindən Bakı-Tbilisi Ceyhan Neft Kəmərinin stansiyası mövcuddur.

İşxan Sarqsyanın telefonuna keçirilən baxış zamanı 2021-ci ilin may ayının 27-də Kəlbəcər rayonun Yuxarı Ayrım kəndinin mina düzəlmədən qabaq görüntüləri aşkar edilib.

Məhkəmə istintaqı başa çatdırılıb.

Prokuror çıxış üçün məhkəmədən vaxt istəyib.

Məhkəmə prosesi fevralın 28-nə təyin edilib.

"Unikal"