Tərtərdə kanalizasiya qapaqları oğurlayan şəxs həbs olunub

Regional Sukanal İdarəsinin Tərtər Sukanal Sahəsindən Rayon Polis Şöbəsinə Yeni qəsəbə ərazisindən kanalizasiya qapaqlarının oğurlanması barədə məlumat daxil olub.

Avtosfer.az-ın xəbərinə görə, məlumatla əlaqədar Tərtər Rayon Polis Şöbəsinin əməkdaşları tərəfindən keçirilmiş tədbirlərlə oğurluq əməlini törətməkdə şübhəli bilinən həmin qəsəbə sakini Rəşad Məmmədov saxlanılıb.
R.Məmmədov barəsində toplanmış materiallar baxılması üçün rayon məhkəməsinə göndərilib və o, məhkəmənin qərarı ilə 10 gün müddətinə inzibati qaydada həbs edilib.