Türkiyə mühəndisləri bunu da etdi - “Yerli mühərrikli Milli Döyüş Təyyarəsi...” - FOTO

“Milli döyüş təyyarələrinin demək olar ki, bütün hissələrinin dizaynı başa çatıb”.

TED.az Türkiyə mediasına istinadən xəbər verir ki, bunu “Turkish Aerospace Industries” (TUSAŞ) şirkətinin baş direktoru Temel Kotil açıqlamasında deyib.

Döyüş təyyarəsinin 50-100 milyon dollara satıldığına diqqət çəkən Kotil təyyarə istehsalının çətinliyini vurğulayaraq, hər şeyin çox dəqiqliklə edilməsinin zəruriliyi bildirb.

Onun sözlərinə görə, hazırda yerdə və havada işləyəcək proqram üzrə təxminən 1300 mühəndis işləri davam etdirilir və bu məqsədlə 25 milyon sətir kod yazılacaq. 

Onun sözlərinə görə, yerli mühərriklərin ilkin variantı 2023-cü il martın 18-də anqardan çıxarılacaq:

“Təyyarənin milli olması üçün birinci növbədə mühərriki hazırlamalıyıq. 1 il ərzində təyyarələr 1600 at gücündə turboreaktiv mühərriklərlə təchiz ediləcək. Önümüzdəki 10 ildə mühərrikdə çox orijinal funksiyalar olacaq.”.