İnsanların sığındığı metronu partlatmaq istəyən diversant saxlanılıb

Martın 4-də axşam saatlarında Ukraynanın paytaxtı Kiyev şəhərindəki metrostansiyaların birində üzərində əl qumbaraları ilə dolu yük olan şəxs saxlanılıb.

Avtosfer.az-ın məlumatına görə, hadisə paytaxtın Darnitsa rayonunda yerləşən "Slavutiç" metrostansiyasında qeydə alınıb.

Belə ki, stansiyada saxlanılan şübhəli şəxsin gizli şəkildə Belarusdan keçərək Ukrayna ərazisinə daxil olan diversant olduğu müəyyənləşib.

Həmin şəxs yerli polis tərəfindən dərhal tərksilah edilib.

Qeyd edək ki, həmin stansiya Ukraynadakı vəziyyətlə əlaqədar olaraq sığınacaq kimi istifadə edilir.

"Report"