Xarkovda ərzaq növbəsinə dayananlar güllələndi: Çox sayda ölən və yaralı var

Ukraynanın Xarkov şəhərinin Akademik Volter küçəsində yerləşən “Xəzər” supermarketinin qarşısında ərzaq növbəsinə dayanan sakinlər naməlum silahdan atəşə tutulub.

Avtosfer.az xəbər verir ki, bu barədə ölkənin Baş Prokurorluğu məlumat yayıb.

İlkin məlumata görə, atəş nəticəsində 4 nəfər həlak olub, 15 nəfər yaralanıb.

Hadisə ilə bağlı cinayət işinə başlanılıb.

Müharibə qanunlarının pozulması faktı üzrə (Ukrayna Cinayət Məcəlləsinin 438-ci maddəsinin 2-ci hissəsi) ibtidai istintaq başladılıb. 

Bildirilib ki, hazırda qurbanların dəqiq sayı müəyyənləşdirilir.

Lent.az