Axşam vaxtı hamı işığı yandırır, bu sürücü isə söndürüb sürür - VİDEO

Günün qaranlıq saatlarında bəzən sürücülər işıq cihazlarını işə salmağı unudurlar. Avtosfer.az xəbər verir ki, bu hal xüsusən sürətlər panelində daimi işıq yanan avtomobillərdə yaşanır. Yəni sürücü mühərriki işə salan zaman sürətlər panelinin işığının yandığını görür və düşünür ki, xarici işıq cihazları da işlək vəziyyətdədir.

Belə sürücülərdən birinin görüntüsü avtomobildəki kameraya qeyd olunub. Qeyd edək ki, hadisə martın 5-də Moskva prospektində qeydə alınıb.

Belə ki, 50-DZ-886 qeydiyyat nişanlı "Hyundai" markalı avtomobilin sürücüsü günün qaranlıq saatlarında işıq cihazları sönülü vəziyyətdə hərəkət edib.

Xatırladaq ki, bu qayda pozuntusuna görə, İnzibati Xətalar Məcəlləsinin 329.3-cü maddəsilə 30 manat məbləğində cərimə nəzərdə tutulub.

Fərid