Bakı-Sumqayıt yolunda yarışa çıxan iki "avtoş" - VİDEO

Bakı-Sumqayıt yolunda yarışan iki sürücünün videogörüntüsü avtomobildəki kameraya düşüb. Avtosfer.az xəbər verir ki, dekabrın 16-sı sözügedən yolun Masazır dairəsi istiqamətinə gedən hissəsində hərəkət edən 90-MD-339 qeydiyyat nişanlı “Kia” markalı və 99-TU-468 qeydiyyat nişanlı “BMW” markalı avtomobillərin sürücüləri yüksək sürətlə yarışıblar. Onlar yarışan vaxtı müxtəlif təhlükəli manevrlər edərək avtoxuliqanlıq ediblər.

Sürücülər Masazır dairəsində tıxaca düşdükləri üçün əks istiqamətli hərəkət zolağına çıxaraq axına qarşı hərəkət ediblər. Bundan sonra hər iki sürücü yenidən bütöv xəttin tələbini pozaraq əks istiqamətə çıxıb sola- “Qurtuluş 93” yaşayış kompleksi istiqamətinə gediblər.

Qeyd edək ki, Bakı-Sumqayıt yolunda yarışan sürücülər, hətta radarının yanında da yüksək sürətlə hərəkət ediblər. Ümid edirik Dövlət Yol Polisinin rəhbərliyi, yarış keçirərək hərəkət iştirakçılarına təhlükə yaradan, o cümlədən  əhalinin dincliyini nümayişkaranə şəkildə pozan hər iki sürücü barədə ciddi tədbir görəcək.

Təbriz