Bakıda "Opel"lə avtoxuliqanlıq edən sürücü həbs edildi - VİDEO - FOTO

Sosial şəbəkələrdə yayılan taksi sürücüsünün avtoxuliqanlığına görə yol polisi dərhal hərəkətə keçib. Bakı şəhər Dövlət Yol Polisi İdarəsinin bölmə rəisi polis polkovniki Vaqif Əsədov Avtosfer.az-a açıqlamasında bildirib ki, yayılan görüntülər əsasında aparılan araşdırmadan sonra sürücü Bayramov Seymur Eyvaz oğlu iyunun 23-ü saxlanılıb və barəsində toplanılmış materaillar Sabunçu rayon Məhkəməsinə göndərilib. Bu gün keçirilən məhkəmənin qərarı ilə Seymur Bayramov 15 gün müddətinə inzibati qaydada həbs olunmaqla nəqliyyat vasitəsini idarəetmə hüququ 1 illik məhdudlaşdırılıb.

Xatırladaq ki, 99-ZU-103 qeydiyyat nişanlı "Opel" markalı avtomobilin sürücüsü paytaxtın müxtəlif küçələrində yüksək sürətlə hərəkət edərək əl əyləci vasitəsilə avtomobili fırladıb. Günün qaranlıq saatında eyni hərəkətləri edən sürücü etdiyi şounun kənardan qeydə alınmış videosunu sosial şəbəkə hesabında paylaşaraq insanların rəyini almağa çalışıb. O, "like" yığacağı təqdirdə daha da təhlükəli hərəkətlər edəcəyinə söz verib.

Təbriz