Bakıda "Prius"lar yolda təhlükəli şou göstərdi - VİDEO

Bakıda qaydaları pozan “Toyota Prius” markalı avtomobilin sürücüsü kameraya düşüb. Avtosfer.az xəbər  verir ki, hadisə paytaxtın Neftçilər prospektində baş verib. Belə ki, yolun kənarında dayanmaq üçün sağa manevr edən sürücü güzgüdən istifadə etmədiyi üçün sağ zolaqdakı digər “Toyota Prius” markalı avtomobilin sürücüsünə qəza şəraiti yaradıb. Qəzanın yaranacağını görən sürücü sağa manevr edərək hadisədən yayına bilib.

Qeyd edək ki, bir çox sürücülər yolda manevri bu formada həyata keçirirlər. Onlar düşünürlər ki, dönmə işığı yandırmaq hər hansısa bir üstünlük verir. Xatırladaq ki, manevr edən zaman qonşu zolaqda hərəkət edən avtomobilə maneə yaratmağa görə qanunvericilikdə 40 manat  cərimə nəzərdə tutulub.

Fərid