Bakıda yolu kəsib əlini qaldıran məşhur sürücü cərimələndi - VİDEO

Paytaxtın Mətbuat prospektində yolu kəsən sürücü cərimələnib. Bu barədə Bakı şəhər Dövlət Yol Polisi İdarəsindən Avtosfer.az-a məlumat verilib. İdarənin bölmə rəisi, polis polkovniki Vaqif Əsədov açıqlamasında bildirib ki, yolayrıcının keçmə qaydasını pozan Eminov Rəvan Cavanşir oğlu törətdiyi qayda pozuntusuna görə İnzibati Xətalar Məcəlləsinin 327.2-ci maddəsi ilə cərimələnib.

Xatırladaq ki, 99-PB-717 qeydiyyat nişanlı “Haval” markalı avtomobilin sürücüsü dairəvi hərəkət təşkil edilmiş yolayrıcına daxil olaraq avtomobillərin yolunu kəsib. Görüntünü qeydə alan sürücü maneə ilə üzləşdiyi üçün həmin avtomobilə yol verib. Bu zaman o, haqsız olduğu halda əli ilə etiraz etməyə başlayıb.
Sürücülərin əksəriyyəti üstünlüyə malik olan avtomobillərə yol verən zaman düzgün yerdə dayanmırlar. “Yol vermək” o demək deyil sürücü istədiyi yerdə dayana bilər. Üstünlüyə malik olan nəqliyyat vasitəsinin qarşısını kəsib dayanmaq yol verməməyə bərabər hesab olunur. Qanunvericilikdə bu əmələ görə inzibati məsuliyyət nəzərdə tutulub.

Fərid