Baş yolda dayanıb gözləyən sürücü sıxlığa səbəb oldu - VİDEO

Bakıda yol hərəkəti qaydalarının pozulması nəqliyyatın hərəkətində sıxlığa səbəb olub. Avtosfer.az xəbər verir ki, hadisə dekabrın 25-də Beynəlxalq Avtovağzalın arxa tərəfində, Kənar Dairəvi yolun girişində qeydə alınıb.

Belə ki, 90-RY-840 dövlət nömrə nişanlı "Toyota Prius" markalı avtomobilin sürücüsü yol hərəkəti qaydalarını pozaraq baş yol nişanı olan ərazidə dayanıb. O, nəzərdə tutulmadığı halda sağdan gələn nəqliyyat vasitələrinə yol verən zaman, hərəkətin ümumi axınına mane olub. Qaydaların düzgün yerinə yetirilməməsi nəticəsində arxadan gələn avtomobillər yoluna davam edə bilməyib və dayanıb. Bu isə ərazidə nəqliyyat sıxlığına səbəb olub.

Belə hallar yol hərəkətinin təhlükəsizliyini pozmaqla yanaşı, digər sürücülər üçün narahatlıq yaradır.

Sözügedən videonu təqdim edirik.

Könül Rauf