Binə Atçılıqda 800 manatlıq qayda pozan avtobus sürücüsü CƏZALANDIRILDI - VİDEO - YENİLƏNİB

Avtosfer.az-ın əldə etdiyi məlumata görə, sürücü Xəzər rayon DYP Şöbəsinin əməkdaşları tərəfindən aşkarlanaraq cəzalandırılıb

***

07.10.2025, 18:27

***

Xəzər rayonu ərazisində fəaliyyət göstərən marşrut avtobusu nəqliyyat vasitəsinin istismarı ilə bağlı qaydaları kobud şəkildə pozur.

Avtosfer.az xəbər verir ki, Binə Atçılıq massivi ilə Binə qəsəbəsi arasında sərnişindaşıma ilə məşğul olan 10-TG-833 dövlət qeydiyyat nişanlı "Daewoo" markalı 160A nömrəli marşrut avtobusuna sayrışan işıqlar quraşdırılıb. Sürücünün bu hərəkəti digər nəqliyyat vasitələri idarəçilərinin narazılığına səbəb olub. Sürücülərin sözlərinə görə, günün qaranlıq saatlarında avtobusun sayrışan işıqları onlarda çaşqınlıq yaradır. İşıqların dövlət qurumlarına aid xidməti avtomobil olması effekti yaratması bir çox hallarda yolda sıxlığın, eləcə də qza hallarının yaranmasına gətirib çıxarır.

“Çinar-Trans” MMC-yə məxsus olduğu bildirilən avtobus sürücüsünün qaydaları bu cür pozması təəssüf doğurur.

Qeyd edək ki, İnzibati Xətalar Məcəlləsinin 342.9-cu maddəsinə əsasən, digər nəqliyyat vasitələrinin sayrışan işıq quraşdırması inzibati xətanın törədilməsində alət və ya inzibati xətanın bilavasitə obyekti olmuş predmet müsadirə edilməklə, 500 manatdan 800 manatadək məbləğdə cərimə edilir.

Səfər