Əlində telefon sol zolağı tutub heç kimi ötməyə qoymadı - VİDEO

Bakıda yolun hərəkət hissəsində yerləşmə qaydasını pozan sürücü kameraya düşüb. Avtosfer.az xəbər verir ki, hadisə mayın 30-da, paytaxtın Moskva prospektində qeydə alınıb. Belə ki, 77-JL-907 qeydiyyat nişanlı "Mercedes Sprinter" markalı avtomobilin sürücüsü yolun sol zolağını tutaraq hərəkət edib. Sağ zolaq boş olsa da sürücü heç kimə keçib getməyə şərait yaratmayıb. Videodan da görünür ki, onun arxasınca gələn sürücü sağdan ötməyə məcbur olub.

Görüntünü qeydə alan oxucu bildirir ki, həmin nəqliyyat vasitəsini sağdan keçən zaman məlum olub ki, sürücü sükan arxasında mobil telefonla məşğul olub. Bu səbəbdən arxadan gələn sürücülərin yol istədiyindən xəbərsiz olub.

O, daha sonra tunelə daxil olan zaman yaxın işıqlardan istifadə etməyib. Bu da daha bir qayda pozuntusu hesab edilir.

Fərid