Maşının nömrəsini çıxarıb şou göstərən sürücülər CƏRİMƏLƏNDİ - VİDEO

Rayon yollarında şou göstərən sürücülər cərimələnib. Xəbər verdiyimiz kimi 90-DB-034 qeydiyyat nişanlı “Hyundai” markalı avtomobilin sürücüsü yolda dəfələrlə manevr qaydasını pozaraq ziqzaqvari hərəkətlər edib. Onun arxasınca gələn 62-BD-612 qeydiyyat nişanlı “Vaz 2107” markalı avtomobilin ön oturacağında olan sərnişin bayıra çıxaraq təhlükəli şəkildə şou göstərən sürücünün hərəkətlərini videoya çəkib.

Baş Dövlət Yol Polisi İdarəsinin şöbə rəisi polis polkovnik-leytenantı Namidan Piriyev Avtosfer.az-a açıqlamasında bildirib ki, 90-DB-034 qeydiyyat nişanlı “Hyundai” markalı avtomobilin sürücüsü 1.1 üfüqi nişanlanma xəttinin tələbini pozduğuna görə 3 bal 60 manat, 62-BD-612 qeydiyyat nişanlı “VAZ-2107” markalı avtomobilin sürücüsü isə sərnişin daşıma qaydalarını pozduğuna görə 3 bal 60 manat məbləğində cərimələnib.

Təbriz