"Nur Çörək" zavodunun sürücüsü avtomobilləri "çimizdirdi" - VİDEO

Bakıda yol hərəkəti qaydasını pozan sürücünün videosu sosial şəbəkədə yayılıb. Avtosfer.az xəbər verir ki, hadisə aprelin 16-da qeydə alınıb.

Belə ki, "Nur Çörək" zavoduna məxsus 99-SE-628 qeydiyyat nişanlı "Ford" markalı avtomobilin sürücüsü yağışlı yolda kobud qayda pozuntusu törədib. Yolda yağış sularından yaranmış gölməçəni görən sürücü sürətlə hərəkət edib digər avtomobillərin üzərinə su sıçratdı.

"Yol hərəkəti haqqında" qanunun 37-ci maddəsində qeyd olunub ki, yolda su və ya palçıq olduqda, sürücü nəqliyyat vasitəsini idarə edərkən, onların piyadalara, binalara və başqa nəqliyyat vasitələrinə sıçramamasına çalışmalıdır.

Fərid