Qaydaları pozan bayker “qayı axtarırıq” deyir - VİDEO

Yollarda “at oynadıb”, sosial şəbəkələrdə özlərini reklam edənlərin sayı günü gündən artır.
Avtosfer.az xəbər verir ki, yeniyetmə yaşlarında bir bayker motosikletlə paytaxt küçələrində şou göstərir. Ayaqlarını motosikletin sükanına qoyaraq nəqliyyat vasitəsini idarə edir. Kobud qayda pozan bu “qəhrəman” bununla kifayətlənməyib, etdiyi əməli kameraya çəkərək sosial şəbəkələrdə paylaşır. Üstəlik videonun üzərinə “qayı axtarırıq” yazaraq “hava atır”. Belə sürücülər nəyinki cəzalanmalı, hətta başqalarının həyatını təhlükəyə atdığına görə sürücülük hüququndan məhrum edilməlidir.
Qeyd edək ki, bayker İnzibati Xətalar Məcəlləsinin müvafiq maddələrinə görə məsuliyyətə cəlb edilməlidir.

Fərid