Sağ zolağı boş olan sürücü solu tutub ötməyə qoymadı - VİDEO

Yolun hərəkət hissəsində yerləşmə qaydasını pozan sürücü kameraya düşüb. Avtosfer.az xəbər verir ki, hadisə martın 16-da, paytaxtın kənar dairəvi yolunda qeydə alınıb.

Belə ki, 99-FE-548 qeydiyyat nişanlı "Mercedes" markalı avtomobilin sürücüsü sağ zolaq boş olduğu halda sol zolaqla hərəkət edib. Görüntünü qeydə alan sürücü dəfələrlə işıq və səs siqnalları ilə yol istəsə də, həmin sürücü sağ zolağa keçməyib. O, bir neçə kilometr irəlilədikdən sonra ötmə üçün şərait yaradıb.

"Yol hərəkəti haqqında" qanunda qeyd olunub ki, yaşayış məntəqələrindən kənarda sağ zolaq boş olduğu halda sol zolaqlarla hərəkət etmək qadağandır.

Fərid