Tələbəyə qoşa xətdən dönməyi öyrədən təlimçi kameraya düşdü - VİDEO

Bakıda təlim maşınının sürücüsü qoşa xəttin tələbinə əməl etməyərək qaydaları kobud şəkildə pozub. Avtosfer.az bildirir ki, «Hyundai» markalı 99-SE-703 qeydiyyat nişanlı təlim avtomobilində əyləşən təlimçi xanım qoşa xətti tapdayaraq yolun qarşı hissəsinə keçməyə çalışıb. Acınacaqlısı budur ki, o, bu qayda pozuntusunu yanında əyləşən, sürücü namizədi olan xanıma da öyrədib.

İradlara məhəl qoymayan təlimçinin görünür ki, bu, ilk qayda pozuntusu deyil. İndiyədək onun neçə qayda pozan tələbə öyrədib yollara saldığını düşünsək, o zaman vəziyyətin heç də sadə olmadığını görərik. Belə təlimçilərin məhz özünə təlim keçilməlidir ki, bilmədikləri yol qaydalarını kimlərəsə öyrətməsinlər. Məsələ burasındadır ki, bəzi xanım təlimçilər şəhərdə qayda pozmasıyla, sürücülərə yaratdıqları çətinliklərlə artıq bir çoxlarını təngə gətirib. Bu gün sükan arxasında qaydalara tam əməl edən, kişi sürücülərdən heç də geri qalmayan xanım sürücülər də az deyil. Sözümüz məclisdən kənara. Amma günümüzdə sürücülüyü heç də ürəkaçan olmayan xanımların təlimçi adıyla sükan arxasına əyləşib özlərinə bənzər sürücülər yetişdirməsi acınacaqlı haldır.

Aysel