Tıxacda qalmamaq üçün əks istiqamətə çıxan sürücülər yolu kəsdilər - VİDEO

Bəzi hallarda sürücülər tıxacdan yayınmaq, yolu qısaltmaq və vaxt itirməmək üçün əks yola çıxırlar. Əvvəllər belə qayda pozuntuları kütləvi şəkildə baş versə də, son zamanlar bu kimi hallara daha az rast gəlmək olur. Bunun əsas səbəblərindən biri kameralar vasitəsilə tətbiq edilən cərimələr və ictimai qınaqdır. Son illərdə sürücülər avtomobillərindəki videoqeydiyyat qurğusu ilə qayda pozan sürücülərin görüntülərini sosial şəbəkələrdə paylaşırlar. Dövlət Yol Polisi isə bu görüntülər əsasında həmin sürücüləri məsuliyyətə cəlb edir. Sosial mediada yazılan tənqidlər və tətbiq olunan cərimələr intizamsız sürücülərdə müəyyən qədər nizam-intizam yaradıb. Lakin buna baxmayaraq, bəzi sürücülər hələ də kameraların olmadığı yerlərdə qayda pozmağa davam edirlər. Onlardan bir neçəsinin görüntüsü avtomobildəki kameraya əks olunub.
Avtosfer.az xəbər verir ki, hadisə martın 15-də, paytaxtın İsa bulağı küçəsində qeydə alınıb. 
Belə ki, 99-UA-094 qeydiyyat nişanlı "KIA" markalı, 77-HK-877 qeydiyyat nişanlı "Hyundai" markalı, 
77-QB-165 qeydiyyat nişanlı "Chevrolet" markalı, 90-YF-574 qeydiyyat nişanlı "Chevrolet" markalı, 77-QP-066 qeydiyyat nişanlı "Changan" markalı, 77-SG-475 qeydiyyat nişanlı "Toyota" markalı, 50-CY-758 qeydiyyat nişanlı "Toyota" markalı və 90-KZ-864 qeydiyyat nişanlı "Mercedes" markalı avtomobilin sürücüləri əks yola çıxaraq axına qarşı hərəkət ediblər. Videogörüntüdən də aydın şəkildə görünür ki, onlar qarşıdan gələn avtomobillərin yolunu kəsərək hərəkətə mane olublar.

Fidan