Ağcabədidə avtomobil 17 yaşlı gənci vuraraq ağır xəsarət yetirib

Ağcabədi rayonunda ağır xəsarətlə nəticələnən yol-nəqliyyat hadisəsi baş verib.

Avtosfer.az-ın məlumatına görə, hadisə rayonun mərkəzi ərazisində qeydə alınıb. Avtomobil yolu keçən 2004-cü il təvəllüdlü İsmayılov Vaqif Bəhruz oğlunu vurub.

Yaralı əvvəlcə təcili tibbi yardımın köməkliyi ilə rayon mərkəzi xəstəxanasına çatdırılıb, lakin vəziyyəti ağır olduğundan Bakıda yerləşən xəstəxanaların birinə gətirilib. Müayinə zamanı ona açıq kəllə-beyin travması və baş-beyinin ağır dərəcəli əziyi diaqnozları qoyulub.

V.İsmayılovun vəziyyəti ağır olduğundan o reanimasiya şöbəsinə yerləşdirilib.

Hadisənin təfərrüatı araşdırılır

"Report"