Avtobus və yük maşını toqquşdu: 14 ölü, 29 yaralı - FOTO

Malinin qərbində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə Fana-Bamako magistralının Binko kənd kommunasının Fuqani kəndi yaxınlığından keçən hissəsində qeydə alınıb. Bu barədə ölkənin nəqliyyat nazirliyi feysbuk səhifəsində məlumat yayıb.

Qeyd olunub ki, avtobusla yük maşını toqquşub. Qəza nəticəsində azı 14 nəfər ölüb, 29 nəfər isə xəsarət alıb. Yaralananlardan doqquzunun vəziyyəti ağır olaraq qiymətləndirilir.

Hadisə ilə bağlı araşdırmalara başlanılıb.

Namiq Musayev