Bakıda avtomobil mağazaya çırpılıb: mağaza sahibinə otuz min manat ziyan dəyib   - VİDEO

Bakının Binəqədi rayonunda yol-nəqliyyatı hadisəsi baş verib.

Avtosfer.az xəbər verir ki, hadisə Azadlıq prospektində qeydə alınıb.

“Mercedes” markalı avtomobilin sürücüsü hərəkətdə olan zaman qəfil qarşısına piyada çıxıb. Sürücü piyadanı vurmamaq üçün manevr edib. Nəticədə idarəetmədən çıxan avtomobil yol kənarındakı mağazaya çırpılıb. Qəza nəticəsində nəqliyyat vasitəsində olan sərnişin xəsarət alıb.

Mağaza sahibinin sözlərinə görə qəza nəticəsində mağazaya 30.000 manat ziyan dəyib. Avtomobilin icbari sığorta şirkəti isə dəymiş ziyanla bağlı yalnız 5000 manat ödəyəcəyini bildirib.

Nərminə Əli