Bakıda yol çökdü, qaz kəməri deformasiyaya uğradı - VİDEO

İyunun 5-də axşam saatlarında Nəsimi rayonu, C.Məmmədquluzadə küçəsi 108 ünvanında avtomobil yolunun çökməsi nəticəsində qaz təsərrüfatına ziyan dəyib.

Avtosfer.az xəbər verir ki, bu barədə "Azəriqaz" İstehsalat Birliyi məlumat yayıb. 

Məlumatda bildirilir ki, "Azəriqaz" İstehsalat Birliyinin Bakı Regional qaz istismarı Departamentinin balansında olan diametri 315 mm olan polietilen yeraltı orta təzyiqli qaz kəmərinin təxminən 10-12 metrlik hissəsi deformasiyaya uğrayıb. Qaz sızması yoxdur, qaz təminatında fasilə yaranmayıb.