Gəncədə sərnişin mikroavtobusu 6 maşınla toqquşub - FOTOLAR

Gəncədə sərnişin avtobusunun iştirakı ilə baş verən zəncirvari qəzanın bəzi təfərrüatları məlum olub.

Avtosfer.az-ın məlumatına görə prospektlə hərəkətdə olan 2 saylı xətt üzrə işləyən "Hyundai" markalı sərnişin mikroavtobusunun əyləc sistemində nasazlıq yaranıb.

Bu zaman sürücü avtobusu yol kənarında dayana bir neçə avtomobilə çırpıb.

DİN-in Mətbuat Xidmətinin Gəncə regional qrupunun baş inspektoru Eşqin Qasımov bildirib ki, hadisə yerinə polis əməkdaşları cəlb olunub, araşdırmalar davam etdirilir.

***

Gəncədə yol-nəqliyyat hadisəsi baş verib.

Avtosfer.az-ın APA-ya istinadən məlumatına görə, hadisə şəhərin Heydər Əliyev prospektində qeydə alınıb. Şəhərdə 2 saylı xətt üzrə işləyən "Hyundai" markalı sərnişin mikroavtobusu idarəetmədən çıxaraq "Niva", "Mitsubishi", "Chevrolet" və daha 3 "Hyundai" markalı minik maşınına çırpılıb.

Qəza zamanı xəsarət alan olmayıb, avtomobillərə ziyan dəyib.

Ərazidə qısa müddətli tıxac yaranıb. Hadisə yerinə DYP əməkdaşları cəlb olunub, yolda hərəkət bərpa edilib.

Faktla bağlı araşdırma aparılır.