Goranboyda avtomobil su arxına düşdü: Xəsarət alanlar var – FOTO

Goranboy rayon ərazisində xəsarətlə nəticələnən yol-nəqliyyat hadisəsi baş verib. 
 

Avtosfer.az bizim.media-ya istinadən xəbər verir ki, rayonun Qızılhacılı kəndi ərazisində, Naftalan şəhər istiqamətində yolda "Opel" markalı minik avtomobilinin sürücüsü idarəetməni itirib.

Nəticədə maşın yoldan çıxaraq su arxına girib. Hadisə zamanı xəsarət alan sürücü və sərnişin Goranboy Rayon Xəstəxanasına yerləşdiriliblər.

Faktla bağlı araşdırma aparılır.