Sabirabadda QƏZA: Avtomobillər toqquşdu, ölən var

Sabirabadda qəza baş verib.

Avtosfer.az xəbər verir ki, hadisə rayonun Surra kəndi istiqamətində qeydə alınıb.

28 yaşlı Cəlal Mehdiyevin idarə etdiyi "QAZel" markalı yük avtomobili Padarçöl istiqamətində hərəkətdə olan 35 yaşlı Səbuhi Süleymanlının idarə etdiyi "KIA Ceed" minik avtomobili ilə toqquşub.

Nəticədə hər iki avtomobilin sürücüləri müxtəlif dərəcəli bədən xəsarətləri ilə Sabirabad Rayon Mərkəzi Xəstəxanasına yerləşdirilib. Lakin Səbuhi Süleymanlı aldığı xəsarətlərdən xəstəxanada ölüb.

(lent.az)