Səhər yeməyi taksi sürücüsünə baha başa gəldi: Bakının mərkəzində qəza - FOTO

Bu gün səhər saatlarında – saat 09:30 radələrində Qış Parkı yaxınlığında yol-nəqliyyat hadisəsi baş verib.

Avtosfer.az-ın xəbərinə görə, “KIA Pride” markalı avtomobil yol kənarında parkinq etmiş “Toyota Prius” markalı maşınla toqquşub.

Belə ki, sürətlə gələn birinci avtomobil qapısını açıq qoymuş “Toyota”ya çırpılıb. Həmin vaxt “Toyota”nın sürücüsü maşının içində səhər yeməyi yeyirmiş. Qəza nəticəsində “Toyota”nın qapısı və KIA nın sağ tərəfi ciddi zərər görüb.

Qeyd edək ki, hər iki sürücü taksi istifadəçisi imiş. KIA-nın içərisində xanım sərnişin də olub.

Oxu.Az