Yanacaq daşıyan avtomobil partladı, 181 nəfər həlak oldu

Nigeriyanın Ciqava ştatında yanacaq daşıyan avtomobilin partlaması nəticəsində 181 nəfər həlak olub, 80-dən çox insan isə yanıq və travmatik xəsarətlərlə xəstəxanalara yerləşdirilib.

Avtosfer.az xarici KİV-ə istinadən xəbər verir ki, bu barədə ştatın meri Umar Namadi yerli jurnalistlərə bildirib.
"Punch" qəzetinin yazdığına görə, Nigeriyada yanacaq daşıyan avtomobillərin partlaması adi hala çevrilib. Ölkədə yanacaq çatışmazlığı onun xaricdən avtomobillərlə daşınması zərurətini yaradır. Təhlükəsizlik qaydalarına heç də həmişə riayət olunmadığına görə, partlayışlar tez-tez baş verir.
Nigeriyada il ərzində 500-dən çox analoji hadisə baş verir ki, bu da yüzlərlə insanın ölümünə səbəb olur.
Qeyd edək ki, hökümət bunun qarşısını almaq üçün müəyyən tədbirlər görsə də, hələki müsbət nəticə yoxdur.

(525.az)