Bakıda bu küçə yağış və qar sularının altında qalıb - VİDEO

Bakının Sovxoz Ramana ərazisində 163 nömrəli avtobusun hərəkət etdiyi magistral yol yağan qar və yağış səbəbindən su ilə dolub. Avtosfer.az xəbər verir ki, bu barədə məlumat “Baku.ws”in "qaynar xətti"nə daxil olub.

Yolun bu vəziyyəti həm piyadaların, həm də nəqliyyat vasitələrinin hərəkətində ciddi çətinliklər yaradıb.

Sakinlərin sözlərinə görə, güclü yağıntıdan sonra yolda iri su gölməçələri yaranıb. Avtobuslar və minik avtomobilləri çətinliklə hərəkət edir, piyadalar isə yolu keçməkdə problem yaşayırlar.

Qeyd edək ki, yolun bu hala düşməsi əsasən yağan qarın əriməsi və davam edən yağışlarla əlaqələndirilir. Sakinlər problemin aradan qaldırılması üçün aidiyyəti qurumların tədbir görməsini xahiş edirlər.