Bərbad vəziyyətə düşən yollardan şikayət - FOTOLAR

Sumqayıt ərazisində yerləşən və Ceyranbatan bağları kimi tanınan əraziyə gedən yollar uzun müddətdir ki, baxımsız vəziyyətdədir.

Avtosfer.az xəbər verir ki, bu barədə məlumat BAKU.WS-in "qaynar xətti"nə daxil olub.

Bildirilib ki, bu yollardan hər gün həm ictimai nəqliyyat, həm də minik avtomobilləri istifadə edir.

"Bağlara gedən əsas iki yol var - "Ətkəsilən yolu" və "Keçid yolu". "Ətkəsilən yolu"nun yalnız bir hissəsinə asfalt çəkilib. Yolun pis vəziyyətdə olması səbəbindən bəzi sakinlər öz hesablarına yolu düzəltməyə çalışıblar. Lakin görülən işlər müvəqqətidir və problemi tam həll etmir".

Sakinlər aidiyyəti qurumlardan Ceyranbatan bağlarına gedən yolların təmir olunmasını xahiş edirlər.

Ərazidən kadrları təqdim edirik: