Şəhərin mərkəzində sürücülər üçün təhlükə - Kanalizasiya lükləri ... - VİDEO

Gəncə şəhərinin mərkəzində kanalizasiya lüklərinin asfalt örtüyündən daha aşağı səviyyədə yerləşməsi hərəkət iştirakçıları üçün təhlükə yaradıb. Avtosfer.az xəbər verir ki, bununla bağlı videogörüntülər sosial şəbəkələrdə paylaşılıb.

Qeyd olunub ki, ərazidə hər hansı xəbərdaredici nişanın olmaması sürücüləri real təhlükə ilə üz-üzə qoyur və nəqliyyat vasitələrinə ziyan vurmaq riski yaradır. Oxu.az-a Gəncə Şəhər İcra Hakimiyyətindən bildirilib ki, artıq problem həll olunub. "Şəhərin Təbriz prospektində aparılan qazıntı işləri təmir-bərpa prosesindən sonra yenilənmiş asfalt örtüyünün altında qalan içməli və çirkab su, eləcə də telekommunikasiya quyularının yol səviyyəsi ilə eyni hündürlüyə gətirilməsi məqsədilə həyata keçirilib. Quyuların ətrafı betonlanaraq yol səviyyəsinə uyğunlaşdırılıb və təhlükəsizlik məqsədilə nişanverici lentlə haşiyələnib. Beton tam quruduqdan sonra quyuların ətrafına yerləşdirilmiş maneələr götürüləcək", - deyə məlumatda vurğulanıb.