“Səkilər yayarsız vəziyyətdədirsə, piyadalar velosiped zolağından istifadə edə bilər” – EKSPERT - FOTO

Son günlər paytaxt yollarında çəkilən velosiped yollarında maraqlı mənzərələr müşahidə olunur.
Avtosfer.az xəbər veriri ki, bu zolaqlarda təkcə velosipedçilər deyil, bəzən motosiklet, elektrikli skuter idarə edənlər, hətta əlil arabasında vətəndaşlar da hərəkət edir. Sosial şəbəkələrdə yayılan bir görüntülər isə cəmiyyətdə sual doğurub: bu yollar kimlər üçün nəzərdə tutulub? Velosiped üçün ayrılan bu hərəkət zolağından fərqli nəqliyyat vasitələrinin – motosiklet, moped və kvadrasikl istifadəsi qayda pozuntusudurmu, yoxsa qanunla icazə verilən hal sayılır?

Məsələ ilə bağlı nəqliyyat eksperti Eldəniz Cəfərov saytımıza açıqlamasında bildirib ki, ümumilikdə, velosiped zolaqları əsasən velosipedlər, kiçik elektrikli nəqliyyat vasitələri və elektrikli samokatların hərəkəti üçün nəzərdə tutulub:
“Kvadrosikllərin bu zolaqlardan istifadə etməsi qadağandır. Əlilliyi olan şəxslərə gəldikdə isə, onlar əlil arabası ilə istədikləri yerdə, səkidə, velosiped zolağında və ya digər uyğun hissələrdə hərəkət edə bilərlər. Onlar üçün bu baxımdan hər hansı məhdudiyyət nəzərdə tutulmayıb. Hətta bəzən səkilərin vəziyyəti piyada hərəkəti üçün yararsız olduqda, piyadalar da məcburi halda velosiped zolağından istifadə edə bilərlər”.

Fidan