Tanınmış böyük marketlər şəbəkəsi işçilərinə aylardır əmək haqqı ödəmirlər - ŞİKAYƏT

“Rahat”, “Grandmart”, “Bolmart”,  “Port bazar”, “Baqqal” və “Pribaltika məhsulları” kimi marketlər şəbəkələrinin işçiləri maaşlarını ala bilmirlər. Avtosfer.az xəbər verir ki, bu barədə sözügedən marketlərdə çalışan bir qrup işçi Bizim.Media-ya ünvanladıqları şikayətdə məlumat veriblər. Onlar bildiriblər ki, artıq bir neçə aydır ki, əmək haqqlarını ala bilmirlər: “Dəfələrlə rəhbərliyə müraciət etmişik. Hər dəfə yaxın günlərdə maaşların ödəniləcəyini deyirlər, ancaq bir neçə aydır məvaciblərimizi ala bilmirik”, - deyə şikayətçilər qeyd edib.

Avtomobil icarəsi şirkətləri sürücülük vəsiqəsi olmayanlara maşın kirayə verir? – DYP-dən AÇIQLAMA - FOTO

Məlumat üçün bildirək ki, adları qeyd olunan marketlər şəbəkələrində ümumilikdə 10 mindən çox işçi çalışır.

Qeyd edək ki, demokrat.az saytının yaydığı məlumata görə, “Rahat”, “Grandmart”, “Bolmart”, “Port bazar”, “Baqqal” və “Pribaltika məhsulları” kimi marketlər şəbəkələrinin külli miqdarda vergi borcu yaranıb. Üstəlik, marketlərin təchizatçılara da on milyonlarla vəsaiti ödəmədiyi üzə çıxıb. Bu səbəbdən təchizatçı şirkətlər məhkəməyə müraciət ediblər.