Vətən müharibəsi iştirakçısı icra başçısının müavini oldu - FOTO

Göygöl Rayon İcra Hakimiyyətində yeni kadr təyinatı olub. Avtosfer.az Milli.az-a istinadla xəbər verir ki, Namiq Cəfərov Göygöl rayon icra başçısının birinci müavini təyin edilib. Qeyd edək ki, bu təyinatadək Namiq Cəfərov rayon icra hakimiyyətində Ərazi idareətmə və yerli özünüidarəetmə orqanları ilə iş şöbəsinin müdiri vəzifəsində çalışıb. Namiq Cəfərov Naxçıvan Dövlət Universtetinin Hüquq fakultəsini bitirib. Xızı Rayon İcra Hakimiyyətində başçının köməkçisi, Gəncə ASAN Xidmət Mərkəzinin direktoru və Azərbaycan Dövlət Aqrar Universtetində məsul vəzifələrdə çalışıb. O, 44 günlük Vətən müharibəsinin iştirakçısı olub və “Şuşanın azad olunmasına görə”, eləcə də “Vətən müharibəsi iştirakçısı” medalları ilə təltif olunub.