2020-ci ilin ən populyar şifrləri məlum olub

2020-ci ilin ən populyar şifrləri məlum olub. Bu haqda məlumat itkisini araşdıran “DLBI” xidmətinin araşdırmasında deyilir.

Avtosfer.az “ICTnews”a istinadən xəbər verir ki, "123456" altırəqəmli kodu növbəti dəfə ən populyar şifrlərin reytinqində lider olub. Həmçinin rəqəmlərin sadə ardıcıllığından ibarət kombinasiyalar reytinqdə ön pillələrdə qərarlaşıb: "12345", "123456789" və ya "000000". Bundan başqa, "password" şifri həmişəki kimi çox populyardır.

Ancaq reytinqdə bir sıra dəyişikliklər qeydə alınıb. Məsələn, qwerty hərflərinin birləşməsinə əsaslanan şifrlər ilk onluğu tərk edib, "asdasd", "asdfghjkl" şifrləri onu əvəz ediblər, həmçinin "mən", "sevgi" və "salam" şifrləri geniş yayılıb.

2020-ci ildə istifadəçilər çox vaxt koronavirusla bağlı şifrlər yaradıblar: mütəxəssislər "covid19", "epidemic", "COVID19_Access", "pandemic", "coronavirus" kimi şifrlərin sayının artdığını qeyd ediblər.