5G ən sürətlə artan mobil şəbəkə seçilib

5G bu günə qədər ən sürətli böyüyən mobil şəbəkə seçilib. Beşinci nəsil şəbəkələrin yerləşdirilməsi 3G və 4G-dən daha sürətli baş verib. Bundan əlavə, mütəxəssislər altı ildə 5G istifadəçilərinin sayının 3,5 milyarda çatacağını proqnozlaşdırırlar. 

TED.az xəbər verir ki, bu barədə Ericsson şirkətinin hesabatında deyilir. 

Nəşr olunan analitik məlumatlara görə, mütəxəssislər əvvəllər bu ilin sonuna qədər 5G-nin təxminən 190 milyon aktiv istifadəçisi olacağını güman edirdilər. 
Son proqnozlara görə isə bu rəqəm təxminən 30 milyon da çoxalaraq 218 milyona çatacaq. 5G-nin belə sürətlə yerləşdirilməsi orta mənzilli 5G smartfonlarının buraxılması, operatorlar arasındakı yüksək rəqabət və bir sıra ölkələrin operator dəstəyi ilə uyğun infrastruktur yaratmağı hədəfləməsi ilə əlaqələndirilir.