ABŞ-də yol polisini əvəz edəcək robot - CƏRİMƏ DƏ YAZA BİLİR - VİDEO

ABŞ-də yol polisi əməkdaşlarının təhlükəsizliyini artırmaq və yol nəzarətini daha sistemli şəkildə həyata keçirmək üçün robot nəzarət texnologiyalarının tətbiqi genişlənir.
Avtosfer.az xəbər verir ki, artıq bəzi ştatlarda süni intellektlə təchiz olunmuş nəzarət robotları yolların monitorinqi, sürətə nəzarət, qayda pozuntularının aşkarlanması və qəza risklərinin vaxtında müəyyən olunması üçün istifadə olunur. Bu texnologiyalar vasitəsilə real vaxtda yol vəziyyəti izlənilir və yol polis əməkdaşları operativ şəkildə məlumatlandırılır.

Xüsusilə magistral yollarda və yüksək riskli ərazilərdə tətbiq olunan bu sistemlər sürücülərin davranışlarını analiz edir, qəfil manevr, təhlükəli sürət dəyişiklikləri və digər potensial qayda pozuntularını dərhal qeydə alır. Hətta bəzi robot sistemləri sürücünü səyyar şəkildə izləyə və hadisə yerində görüntüləri qeydə ala bilir.

Rəsmilərin sözlərinə görə, bu texnologiyalar yol polisinin əməliyyat yükünü azaltmaqla yanaşı, onların həyatını da qoruyur. Qəza riskinin yüksək olduğu bölgələrdə insan iştirakı olmadan ilkin nəzarətin həyata keçirilməsi, həm də sürücülərdə məsuliyyət hissinin artmasına səbəb olur.

Ekspertlər qeyd edirlər ki, gələcəkdə bu robot sistemləri təkcə nəzarət deyil, həm də qəza zamanı ilkin müdaxilə və məlumat ötürmə funksiyalarını da yerinə yetirəcək. Bu isə yol hərəkəti təhlükəsizliyi sahəsində yeni mərhələnin başlanğıcı ola bilər.

Eltac Zülfüqaroğlu