“Airbus” ötən il 4,2 milyard avro xalis mənfəət əldə edib

Avropanın təyyarə istehsalçısı “Airbus”un 2022-ci il üzrə xalis mənfəəti 4,2 milyard avro olub. Bu da 2021-ci illə müqayisədə 1% çoxdur. 
Avtosfer.az-ın xəbərinə görə, ümumi dövriyyə 2021-ci ildə 17 milyard avro olduğu halda, 2022-ci ildə 21 milyard avroya yaxınlaşıb. Şirkət bildirib ki, material təchizatı ilə bağlı problemlər mənfəətin daha da artmasına mane olub.
“Airbus” ötən il 720 təyyarə təhvil verməyi planlaşdırsa da, cəmi 661 hava gəmisini müştərilərə çatdırıb. Bu il isə 720 hava gəmisinin müştərilərə təhvil verilməsi nəzərdə tutulub.

Vüqar